Соединението CBD помага да се спречи зачестеноста на епилептичните напади

Едно природно соединение, наречено канабидиол - CBD кое го содржи канабисот, може да помогне да се спречи зачестеноста на епилептичните напади, сугерира научната јавност врз база на достапните докази, објавени на интернет во Journal of Neurology Neurosurgery & Psychiatry

Канабисот лекува епилепсија!

Доказите до денес се најзастапени помеѓу децата или тинејџери и ретките и сериозни форми на состојбата. Значи досегашните докази се ограничени само на третман на епилептични пациенти, чија епилепсија не реагира на конвенционалните лекови, предупредуваат истражувачите. Помеѓу 70 и 80 проценти од луѓето со дијагностицирана епилепсија успеваат целосно да ги контролираат нападите со користење на конвенционални лекови како што се Валпроат (valproate) и Карбамазепин (carbamazepine), но сепак до една третина оваа состојба воопшто не реагира на овие третмани и да не заборавиме колку се штетни долгорочните последици од овие конвенционални третман за епилепсија!

* Се` повеќе пациенти со епилепсија користат медицинска марихуана

Прелиминарните истражувања сугерираат дека соединенијата што се наоѓаат во канабисот (канабиноидите) можат да ги потиснат конвулзиите. И еден од овие канабиноиди, канабидиолот или ЦеБеДе, се чини дека покажува ветување за спречување на нападите. За да го истражат ова подетално, истражувачите ги следеле истражувачките бази на објавени и необјавени студии и податоци во врска со потенцијалното влијание на канабиноидите како додаток на вообичаениот третман за епилептичните напади, објавени до октомври 2017 година.

* КАНАБИДИВАРИН (CBDV) - уште еден канабиноид кој третира епилепсија!

Шарлот Фиги заедно со нејзиниот анти-епилептичен лек! :)

Во серија од 91 студија се откриени шест клинички испитувања (555 пациенти) и 30 опсервациони студии (2.865 пациенти) кои се квалификувале за вклучување во нивниот преглед. Сите учесници, чија просечна возраст била 16 години, имале ретки форми на епилепсија кои не реагирале на вообичаениот третман. Вкупната анализа на податоците од клиничките испитувања покажа дека ЦБД е поефикасен од лажниот лек (плацебо) 50 проценти или повеќе и на испитаниците им понуди подобрување на квалитетот на животот. Канабидиолот, исто така, беше поефективен од плацебо во целосно уништување на нападите, иако ова беше сè уште ретко.

* Уште една успешна канабис битка на мајка со епи-нападите на нејзината ќерка

Збирните податоци од 17-те опсервативни студии покажаа дека фреквенцијата на напади се намалила за најмалку 50 проценти кај половина од пациентите и целосно исчезнала кај речиси  10 (8,5%) во осум од овие студии. Квалитетот на животот се подобрил на половина од пациентите во 12 од студиите. „Фармацевтското ЦБД при адјувантна (adjuvant) терапија кај педијатриски почетни епилепсии отпорни на лекови може да ја намали фреквенцијата на напади“ - заклучуваат истражувачите. „Постоечките [рандомизирани контролирани испитувања] докази се најчесто во педијатриски примероци со ретки и тешки епилептични синдроми,  кои ги испитуваат другите синдроми и канабиноиди“ - додаваат истражувачите.

* Канабисот успешно ја лекува епилепсијата уште од 1840 година!

На видеата подолу, може да дознаете за малата Шарлот Фиги (Charlotte Figi) која боледуваше од Драветов синдром, но благодарение на посебната врста канабис „Шарлотс веб“ (Charlotte's web) - именувана и создадена специјално за ова мало пациентче, таа сега е нормално девојче и може нормално да расте, д асе развива и да се радува на детството! Повеќе за таа дизајнирана врста на канабис во која доминира канабидиолот, може да дознаете во второто видео. Ве замолуваме да го споделите овој текст на социјалните мрежи!


Поврзани статии - избор на Уредникот:

* Првото епилептично бебе лекувано со канабис под медицински надзор

* Мајка користи домашен екстракт од марихуана за лекување на 19 хронични болести кај ќерката

* 5 факти за Канабидиолот (CBD) кои мора да ги знаете

* Новели е 95 дена по ред без епилептичен напад благодарение на канабисовото масло!

* Екстрактот од целото растение канабис ѝ го продолжи животот на малата Меди!

Автор: Кристина Т.

Извор: Eurekalert.org
Главен и одговорен уредник: MoniQue Konopova