Saturday, May 26, 2018

ФИТОРЕМЕДИЈАЦИЈА - Канабисот го чисти нуклеарното зрачење и токсичниот хемиски отпад

ТАРАНТО, Италија - Земјоделците во регионот на Италија што некогаш бил познат по сирењата, се претворил во област за култивирање на еден вид канабис - не за пушење или да продавање - туку за деконтаминирање на загаденото тло. Конопот што тие го растат содржи многу малку ТХЦ (убиец на ракот) - соединение што ги прави луѓето надувани и здрави. Земјоделецот Винченцо Форнаро (Vincenzo Fornaro) расте коноп за да ја спаси својата почва од токсичен хемиски отпад поради фабриката


Винченцо Форнаро и неговиот деконтаминирачки коноп :)
Најголемата европска фабрика за челик во градот Таранто во Италија, се користи за производство на повеќе од 10 милиони тони челик секоја година - 40% од вкупниот број на челик направен во Италија. Локалната економија на Таранто, која брои 200.000 жители, речиси целосно се потпира на челичарницата, која е еден од најголемите и најсмртоносните загадувачи на било кое место во Медитеранот. Фабриката е озлогласен извор на диоксин и се верува дека правот од фабриката е причина зошто Таранто има стапка на рак на белите дробови 30% повисока од националниот просек. Фабриката е толку токсична, така што на земјоделците им е забрането да чуваат добиток во радиус од 20 километри од фабриката, а во 2008 година владата наредила колење на илјадници овци и други животни за кои се покажало дека имаат премногу високи нивоа на диоксин во телата. Областа, исто така, би можела да направи многу пари од туристи поради своите убави плажи и пастирско обработливо земјиште, но челичната фабрика ги задржува потенцијалните посетители од развој на туризмот...


Коноп како природен филтер :)
Во моментов, фабриката е под владина контрола. Здравствените власти наредија фабриката да биде делумно затворена, но овој потег беше блокиран од страна на владините авторитети, а полицијата делумно ја окупираше фабриката како дел од кривичната истрага, а нејзините сопственици беа конечно уапсени и затворени за извршување на „еколошка катастрофа“, сериозен криминал во Италија, а загрозен ни е целиот европски континент. Сепак, фабриката продолжува да работи, произведувајќи многу помалку челик отколку што некогаш го имало. Фармата на Винченцо Форнаро е помалку од една милја оддалечена од фабриката за челик. Пред една деценија мораше да биде убиено целото негово стадо од 600 овци. Оттогаш му било забрането да одгледува добиток или прехранбени култури. Така, наместо тоа, Винченцо Форнаро одлучи да расте коноп!


Со генерации, нашето семејство произведуваше рикота и месо“ - се присети Форнаро. Но во 2008 година владата на Италија го откри токсичниот хемиски диоксин кај своите овци и му го закла целото стадо. Виновникот беше дури една милја подалеку. Загадувачите што излегуваат од масивната фабрика за челик - најголемата во Европа - значеше дека Форнаро никогаш повеќе нема да може да ги пасе своите овци. За да ја исчисти својата земја, решил да се обиде со прилично необичен експеримент. Форнаро засадил индустриски коноп за да се обиде да ги извлече загадувачите од почвата. Науката се нарекува фиторемедијација - процес во кој загадувачите се апсорбираат од брзорастечките корени на билката канабис и ги трансформира токсините во безопасна супстанција. „Мислите дека оваа марихуана е иднината на вашата фарма?“ - Доан (Doane) го прашува Форнаро. „Да, апсолутно“ - рече Форнаро. Фиторемедијацијата е докажана дека извлекува тешки метали од почвата. Беше искористена по нуклеарната катастрофа во Чернобил за отстранување на радиоактивен стронциум и цезиум.


Процесот фиторемедијација
Винченцо не расте трева за да пуши или продава, туку ја расте за да ги извлече токсините од челичарницата надвор од неговата почва. Форнаро засадил огромни области со индустриски коноп на својата фарма. Тој користи тактика наречена „фиторемедијација“. Оваа тактика користи растенија за отстранување на тешки метали, радиоактивен материјал и други лоши работи од земјата. Индустрискиот коноп се користел за чистење на смртоносни загадувачи и во минатото. Најпознатото користење на индустриски коноп за фиторемедијација беше во близина на местото на смртоносната нуклеарка во Чернобил, Украина. Во средината на 1990-тите, компанија наречена Phytotech работела со истражувачи и банка со семенска база во Украина за да засадат илјадници конопни растенија во и околу Чернобил. Фиторемедијацијата е релативно нов процес, но тоа е многу корисно од еколошки аспект и научно докажано.

Зграда изградена со композитни материјали од коноп
Имајќи предвид дека има многу илјади загадени места низ САД и останатите континенти кои се во очајна потреба за безбедно чистење, овој процес може да биде одговор на многу наши прашања. Ништо не може да се изгради на загадените места сè додека не се исчистат, што значи дека овие локации седат и продолжуваат да ја загадуваат земјата сè додека не се направи нешто. Милијарди се трошат секоја година во напорите да се исчисти токсичната почва и сега е време за фиторемедијација! Според истражувачите од Државниот универзитет во Колорадо, конопот е исклучително ефикасен во отстранувањето на токсичниот елемент кадмиум од почвите. Ова е погодно бидејќи контаминацијата со кадмиум е насекаде. Тоа се гледа во фосилните горива, пестицидите и многу други нуспроизводи на човечката цивилизација. Бидејќи конопот расте брзо, има длабоки корени и не изгледа дека е зашеметен со загадување, конопот е еден од најдобрите растенија што треба да се користи за фиторемедијација, затоа што најуспешно ги собира токсините.


Друга неверојатна работа за користењето коноп за овој процес е тоа што, откако ќе ги отстрани отровните хемикалии од почвата, сè уште може да се употребува, но не и како лек, туку како индустриска суровина. Иако можеби не е најдобра идеја да се јаде или да се прават медицински производи од коноп од области каде нуклеарниот отпад некогаш зрачел, овој коноп е сè уште безбеден за натамошна употреба во други апликации. Тој коноп може да се претвори во масло за подмачкување или во други индустриски цели, може да се користи како изолација и може да се користи и како хартија, лиена пластика или градежен материјал (хемпкрит). Најмногу тешки метали се акумулираат во листовите на конопот. Во Италија, каде што конопот се одгледува за детоксикација на земјиштето или токсичните хемикалии кои ги ослободуваат фабриките, активистите всушност почнуваат да го користат конопот за да го заменат челикот! Активистите изградиле сосема нова станбена зграда целосно направена од влакна од коноп. Оваа станбена зграда (прикажана на сликата од лево погоре) - со канабис посаден пред неа - е изградена со композитни материјали од коноп.


Автор и главен и одговорен уредник: MoniQue Konopova
Извори: Econewsmedia, CBS News

Thursday, May 24, 2018

Синтетичките канабиноиди претставуваат сериозна опасност по здравјето

Секојдневието на свесните и разбудени луѓе денес поради преплавеноста од хемикалии и токсини е сведено на одбирање оргнаска храна за да се избегнат пестицидите и хемикалиите со кои се прска овошјето и зеленчукот. Секогаш треба да се одбира природното и органското, наместо вештачкото и синтетичкото! За жал зголемен е бројот на луѓе хоспитализирани поради синтетички канабиноиди. Зарем би јаделе синтетички домати и краставички?!


Разлика во составот!
Наречени К2 или лажна марихуана, синтетичките канабиноиди се психоактивни хемиски соединенија направени во лаборатории, прскани на иситнет растителен материјал. Исушениот дел испрскан со хемикалиите се витка и се пуши во џоинт, а постои и течна верзија за вапоризирање и вдишување преку електронски цигари и слични помагала. За среќа, лесно е да се пронајдат овие натрапници. Законски се продаваат по бензински во некои држави и хед шопови (оние продавнички кај што продаваат прибори за пушење) и се означени како безбедна и природна алтернатива на марихуаната. А тоа е лага! Синтетичките канабиноиди имаат непредвлидилви странични ефекти кои можат да бидат моментални и долгорочни и многу опасни по здравјето, од силна параноја и халуцинации, до опаѓање на бубрежната фунција, срцеви удари и оштетување на другите витални органи.



Која е разликата?

Повеќе од очигледна... Одбирај цели цветови!
Канабисот е цветна лековита билка која дава семе и плод и расте од земја, како секое друго природно растение на планетава, а синтетичката легална замена наречена „спајс“ (spice) е ѓубре направено во лабораторија од страна на човекот. Кога ќе слушниме термин лажна марихуана претпоставуваме дека се работи за нешто со ефект сличен на марихуаната, но не е така. Постои значајна разлика помеѓу овие две супстанции и тоа како тие взаемно делуваат врз телото и умот. „Кога пушиме вистинска марихуана, ТХЦ-то се врзува за ЦБ1 и ЦБ2 канабиноидните рецептори во мозокот за да го доловат посакуваниот ефект. ЦБД, кој исто така е присутен во марихуаната, ги одржува ефектите на ТХЦ под контрола. Синтетичките канабиноиди, исто така содржат синтетичка форма на ТХЦ, но не и ЦБД“ - вели за CBS News д-р Дипак Д’Соуза (Deepak D’Souza) кој ги проучува ефектите на марихуаната веќе 20 години.


Д’Соуза е професор по психијатрија на Yale University School of Medicine. Без ЦБД, психоактивните ефекти на синтетичкото ТХЦ се поопсежни. Плус, хемиските компоненти во лажната марихуана можат да бидат од 10 до 200 пати помоќни, отколку ТХЦ споредени од доза на доза. Покрај ова, истражувачите не се сигурни како К2 влијае на мозокот бидејќи не е регулирана и хемикалиите можат да бидат различни од еден тип до друг. Но, некои истражувања сугерираат дека различните структури на лажната марихуана можат да активираат други рецептори кои не се ЦБ1 и ЦБ2, што пак, ќе објасни некои од опасните ефекти што се јавуваат кај синтетичкава дрога, кои се нетипични и никогаш не се јавуваат кај органскиот лек канабис. Лажната марихуана понекогаш е измешана со други супстанци како амфетамини или од оние за смирување, опијати. Во Илиноис 9 луѓе биле хоспитализирани поради силно крварење откако користеле синтетички канабиноиди и биле позитивни на тестот за brodifacoum, летална хемикалија користена како отров за глувци.


Опасности и странични ефекти на синтетичката марихуана

Од почетокот на март оваа (2018) година, 153 лица од Чикаго и централен Илиноис се разболеле од синтетичка марихуана, а 4 починале (од канабис до сега никој не се разболел). За сите случаи била неопходна хоспитализација поради искашлување крв, уринирање крв и обилно крварење од носот и непцата. Страничните ефекти на К2 варираат во однос на специфичните компоненти кои секој од нив ги содржи, но корисниците како чести ефекти споменале: повраќање, халуцинации, силна анксиозност, напади на паника, епилептични напади и агресивност. Долгорочните ефекти од синтетичките канабиоиди сè уште не се познати, но соопштени се оштетувања на срцето како миокардична исхемија и оштетување на бубрезите. До сега од природен органски канабис никој не починал!


Кога купуваш синтетички канабиноиди, немаш поим што навистина има во производот кој го купуваш и пушиш или консумираш на друг начин. Ако сакаш да пушиш трева, нека биде природна како и досега. Во Македонија сè уште не сум слушнал дека К2 се продава или воопшто постои. Ако некој знае нешто нека сподели во коментар, да го откриеме потеклото и местото на продажба и да го споделиме меѓу сите за да се заштитиме. Без разлика на сè, не би ми паднало на памет да купувам марихуана од некоја продавничка или сл, туку од органски одгледувач. Јас си знам од каде си земам добра, квалитетна и чиста трева, а ти? Синтетичката марихуана е отров, а канабисот е лек. Канабисот всушност ги лекува сите ефекти кои синтетичкиот ги предизвикува! Спајсот предизвикува зависност, додека пак тревата не.


После овој текст на сите ни е појасно зошто прехрамбените гиганти Монсанто и Бајер сакат да ја земат во свои раце индустријата за канабисот и генетски да го модифицираат за да не може да се репродуцира по природен пат. Не сите знаат дека цел свет протестира против нив поради натрупување токсини во нивните производи. Доколку ни го земат канабисот, ќе ни ги одземат природното здраво откачување кое ни го пружа канабисот, продлабочувањето на свеста и благотворното чувство на љубов, благосостојба и единство со сè. Тоа би било само продолжение на војната против експанзијата на човековата свест. Тие се решени да го доведат човекот до состојба на зомби поради полесна комплетна контрола. Затоа, да се обединиме и да го избркаме Монсанто од Македонија бојкотирајќи ги производите од неговите фирми и да се свртиме кон нашите многу повкусни, поздрави и етички произведени домашни и балкански производи и балкански канабис, а најмногу со тоа ќе придобие домашната економија, но и здравјето на Македонците значително ќе се подобри. И сите здрави и економијата појака. Би имале само чисти придобивки доколку го постигнеме ова.


Главен и одговорен уредник: MoniQue Konopova
Извор: Marijuana

Wednesday, May 23, 2018

Легализацијата не треба да претставува алчност, туку слобода и одлично здравје

Која е разликата помеѓу рекреативната и медицинската марихуана? Технички ништо. Употребата на цвеќето на канабисот како лек за третман на заболување, за рекреација или превенција е определена исклучиво од страна на корисникот


Секоја употреба е медицинска!
Пациентите треба да имаат слобода да направат здрав избор

Дали воопшто треба да се направи разлика помеѓу медицинската и рекреативната марихуана? Се чини дека вештачки наметнатата поделба може да предизвика поголема штета, отколку добро. Во случајот на американските држави во ерата на легализација, повеќе не е правото на корисникот да го утврди начинот на нивната употреба, туку на владата. Ако владата мисли дека само сакаш да се „забавуваш“, тие можат да акцизираат 20 проценти или повеќе во данок. Ова ги стимулира државите да ја класифицираат употребата на повеќе корисници како рекреативни наместо медицински.


Канабисот е најздравиот: цвет, плод, зеленчук, зачин...!
Повеќето држави со медицински канабис имаат листа на услови за кои препораките се одобрени. Овие обично вклучуваат најсериозни и чести фатални и хронични болести, како што се: рак, СИДА, автоимуни нарушувања и епилепсија. Кога станува збор за ментални нарушувања, болестите не се вклопуваат во списокот или правото да користат канабис наместо „потребни“ лекови како аспирин, државните влади утврдиле дека оваа употреба е рекреативна, а не медицинска.


Во Орегон, Вашингтон и Колорадо државните законодавци се многу загрижени за тоа кој сè уште може да има пристап до поевтин медицински канабис без данок. Ова доведе до „раздвојување“ на пациентите од нивните старатели и на многу пациенти им било кажано дека веќе не се квалификуваат како медицински. Додека САД се движи кон федерално решение, треба да ги нагласиме конзервативните и либералните ставови дека слободата значи автономија врз нашите тела и лековите што ние ги избираме за да ги користиме за лекување на сè што е во нашите тела. Пациентите треба да имаат право на избор, секоја марихуана е лековита и секој начин на употреба е лековит, што значи дека и рекреативното користење е медицинско.



Автор и главен и одговорен уредник: MoniQue Konopova
Извор: Civilized

Monday, May 21, 2018

Владата на САД, конечно, признава дека канабисот ги уништува клетките на ракот и ги заштитува здравите клетки

За скоро еден век, канабисот е демонизиран како „почетничка дрога“, но денес веќе официјално знаеме дека канабисот е всушност „излезна дрога“ и решение за зависниците од опијати, но исто така дека успешно лекува епилепсија, ги намалува несаканите ефекти од хемотерапијата и другите токсични лекови, но и дека лекува најтешки форми на канцери и во најдоцните стадиуми. Зачудувачко признание и потврда на сето ова доаѓа од Националниот институт за рак (National Cancer Institute - NCI), дека канабисот ги уништува клетките на ракот без да ги повреди нормалните клетки и исто така дека ја поттикнува нивната регенерација


Ако сè уште не сте запознаени со канабисот, MedicineNet го дефинира канабисот како растение кое произлегува од фамилијата на конопови растенија. Тие додаваат дека канабисот може да се пуши или да се јаде и може да произведе благо чувство на еуфорија. Во врска со тоа како NIC дојде до ова признание, тие објаснуваат на својата веб-страница дека студиите врз глувци и стаорци покажуваат дека канабиноидите може да го инхибираат растот на туморот. Еден од најдобрите начини да го инхибира растот на туморот е да се уништат клетките на ракот и тие тврдат дека канабиноидите можат да го направат тоа. Тие исто така тврдат дека канабиноидите можат да го блокираат клеточниот раст, како и развојот на крвните садови со кои туморите треба да растат. 


Сега да ги разгледаме студиите кои ги поддржуваат нивните тврдења. Како што споменав, тие правеа студии врз глодари - глувци и стаорци; и една од студиите што ги правеа на глувците беше да се тестира како канабиноидите би реагирале против ракот на дебелото црево. Студијата покажа дека канабиноидите можат да заштитат од воспаление на дебелото црево, кое во суштина би можело да го намали ризикот од рак на дебелото црево или дури да помогне да се уништат клетките на ракот за време на третманот. Друга студија беше спроведена на делта-9-ТХЦ во клетките на хепатоцелуларниот карцином (карцином на црниот дроб). Студијата покажала дека делта-9-ТХЦ всушност ги оштетила или убила клетките на ракот. Истата делта-9-ТХЦ студија на глувци кои страдаат од рак на црниот дроб покажа дека постојат антитуморни ефекти.


Неодамна објавена студија во Меѓународниот весник за онкологија (International Journal of Oncology), започна да ја истражува поврзаноста помеѓу канабиноидите и борбата против леукемичните клетки. Студијата, исто така, ја разгледа можноста за употреба на канабиноиди во комбинација со постојните хемотераписки лекови цитарабин и винкристин. Водечкиот тим на истражувачи се состоеше од д-р Ваи Лиу (Wai Liu) од St George’s Универзитетот во Лондон, објавија Medical News. За да ги добијат резултатите, тестирале различни комбинации на канабиноиди и лекови за хемотерапија, за да најдат најуспешни групи. Тимот открил дека канабидиолот и ТХЦ, кога се користат сами, ги убиле клетките на леукемијата. Исто така, откриле дека почетната доза на хемотерапија, проследена со канабиноиди, всушност ги подобрува клеточните резултати против клетките на леукемијата. Овие наоди се објавени во Меѓународниот весник за онкологија. Сепак, истражувачите истакнаа дека зголемената моќност на двата лека била можна само кога канабиноидите биле дадени по хемотерапијата. 


Заклучувајќи ги нивните наоди, д-р Лиу вели дека резултатите се крајно ветувачки, но имаат долг пат, објавија Medical News Today. Тој исто така им рекол: „За првпат покажавме дека редоследот во кој се користат канабиноидите и хемотерапијата е од клучно значење за одредување на севкупната ефективност на овој третман. Канабиноидите се многу возбудливи перспективи во онкологијата“. Иако постојат значителни докази од мали примероци, сè уште требаат многу повеќе истражувања пред да можеме со сигурност да кажеме дека канабиноидите се одржлива опција за убивање на ракот сметаат истражувачите. Не се согласувам целосно со д-р Лиу, поради тоа што од моето лично искуство како активист и долгогодишниот контакт со пациентите, сметам дека канабис терапијата треба да биде примарна и давана од самиот почеток на дијагнозата (конвенционалните терапии пожелно е да се одложат доколку е возможно), а луѓето што примаат хемотерапија, имале операција за отстранување на канцерот или биле зрачени, треба да примат двојно или тројно повеќе масло од препорачаното. Една просечна терапија изнесува 60 мл масло кое треба да се внесе во период од 90 дена, по што следува период на доза за одржување. Тоа масло сè уште го нема во нашите ептеки, затоа пациентите се осудени законот да ги третира како криминалци и да се снаоѓаат самите како знаат и умеат. 


Читај повеќе:






Автор и главен и одговорен уредник: MoniQue Konopova
Извор: Providr

Sunday, May 20, 2018

Дали е безбедно да се користи CBD за третирање на симптомите од бременоста?

Канабис за време бременоста е популарна, но сè уште доста контроверзна тема. Многу луѓе сакаат да знаат дали е безбедно да се користи ЦБД против гадење, утрински мачнини, болка и мигрена како последица на бременоста. Но, да видиме што вели науката...


На бебето му требаат канабиноиди исто како и на родителите!
Плус, марихуаната е најпопуларна „незаконска“ супстнаца која трудниците ја користат за полесно справување со бременоста особено во првото тромесечие. Според Државната анкета за употреба на лекови и здравје од 2014 година, 5.3% од трудниците пушат канабис. Но, што за изолирано масло со ЦБД без ТХЦ? Дали е безбедно за бременоста? ТХЦ исто така не може да наштети во тој период, а ЦБД е исклучително безбедна состојка. 


Основи за ЦБД во текот на бременоста: Што е ЦБД?

ЦБД е скратеница за канабидиол, кој е вториот најзабележителен канабидноид во канабисовото растение. ЦБД не е психоактивен и не напушува. Медицинските карактеристики на ЦБД се следниве: ублажување на болка, воспаление, стрес, гадење, гастроинтестинални потешкотии, стимулација на апетит, помага при заспивање, контрола на епилептичен напад и тресење. Канабидиолот помага за многу различни телесни функции бидејќи делува врз ендоканабиноидниот систем (ЕКС) на телото. ЕКС ја подобрува хомеостазата, односно балансот во телото и игра улога во расположението, имунитетот и перцепцијата за болка. Всушност, ЕКС игра улога дури и во феталниот развиток.



Што кажува истражувањето за ЦБД и бременоста?

Засега не постојат клинички истражувања врз луѓе за ЦБД и бременост, иако постојат некои успешни обиди врз стаорци. Но, анегдотичните информации за ЦБД и бременоста се зголемуваат брзо. Многу бремени жени ја потврдуваат успешноста на ЦБД против утрински мачнини и гадење, болка, воспаление, проблеми со спиење и опуштање. Неколку истражувања го посматрале ефектот на ЦБД на плацентата ин витро; заклучиле дека ЦБД може да ги смени физиолошките карактеристики на плацентата, т.е. да ја направи поеластична, а тоа може да биде опасно за фетусот. Но, многумина покажале дека ова откритие може да биде различно кај сегашните жени бидејќи истражувачите ставале ЦБД на плацентата постојано од 24 до 72 часа.


Најголем дел од истражувањата за ефектите на канабисот врз бременоста се фокусираат на ТХЦ, иако и овие истражувања не се многубројни. Истражувањата не нашле негативни последици од користење канабис при бременоста. На пример, истражување уште од 1994 година спроведено во Јамајка не нашло значајни разлики кај новороденчиња изложени на канабис ин-утеро и оние кои небиле изложени. Она што е восхитувачки е дека ова истражување продолжило кај бебињата и кога наполнине еден месец и истражувачите откриле дека бебињата изложени на канабис биле поздрави во споредба со оние кои не биле изложени на канабис додека биле во утробите на мајките. Тие имале подобар перформанс од оние кои не биле изложени на канабис за автономна стабилност, квалитет на будност, иритабилност и себерегулирање.



Значи, дали ЦБД за време на бременоста е безбедна состојка?

На крајот на краиштата, постои ризик при изложување на бебето на која и да е нова супстанца. Како што Проект ЦБД укажува, поради суштинската улога која ЕКС ја игра во феталниот развој, нервниот развиток и преживувањето на новороденчето постои ризик од додавање на фитоканабиноиди како ТХЦ или ЦБД за развивање на мозочните ендоканабиноиди. Како и да е, вистината е таа дека мајките повеќе декади користеле канабис при бременоста и најголем дел од нив потврдуваат дека нивните деца се апсолутни здрави и факт е дека до сега ниту еден фетус не настрадал поради канабисот. Акушерите и гинеколозите понатаму сметаат дека мена доволно истражувња за да ги посоветуваат идните мајки на оваа тема. За многу жени, бременоста може да биде многу тешка. Гадењето и утринските мачнини можат да траат цел ден. Кога ја имаат опцијата за конзумирање на органски екстракт од канабис, сè повеќе и повеќе жени ја одбираат природната опција.



Совети ако одлучите да користите ЦБД за време на бременоста:

Купете органско, неГМО ЦБД, растено без пестициди и хемикалии или екстрактот подгответе си го сами, но претходно анализирајте го по лабораториски пат. Можете површински да нанесувате, а вапоризирањето исто така е добра опција. Избегнувајте тинктури од ЦБД екстрахирани во каков и да е алкохол, алкохолот треба да се избегнува за време на блажената состојба! Микродозирајте и користете само колку што ви е потребно, кога имате болки, кога ви се гади и имате несоница и сл. Исто така со маст, крема или чист екстракт од канабис имате шанса многу побрзо да ги решите здодевните стрии после породувањето.



Како што со радозналост и радост ги откривам благодетите на ова свето растение со секој нов ден, мојата восхит и понизност пред ова растение растат со секое ново изгрејсонце“ - 

Главен и одговорен уредник: MoniQue Konopova
Извор: HERB

Читај повеќе: 





Saturday, May 19, 2018

Дивиот канабис порано растел слободно во Европа, но исчезнал пред да пристигнат првите земјоделци открива ова истражување

Научниците сега веруваат дека ова растение било вообичаено на европското копно во праисторискиот период. Растот на дивиот канабис беше распространет во Европа за време на камено доба, но растението исчезна од континентот, пред првите фармери да имаат можност да ја одгледуваат културата, заклучува новото истражување


Канабисот се врати во Европа пред околу 4.500 години!
Научниците претходно се обидуваа да утврдат каде точно растел дивиот коноп, преку комплицирани методи слични за истражување на хмељот за проучување на полени фосили. Меѓутоа, група истражувачи од Универзитетот во Вермонт, предводена од Џон Мек Партланд (John McPartlan), сега веруваат дека можеби ја решиле мистеријата, разгледувајќи што друго растело во областите. Во една студија објавена во историјата на растително потекло и археоботаника (Vegetation History and Archaeobotany), тимот заклучил дека ако другиот антички полен собран од локацијата е од растенијата вообичаени на тревните степи, примерокот најверојатно е канабис.


Ако другите фосили сугерираат дека површината е шумска, може да се претпостави дека билката е хмељ, се наведува во истражувањето. Новата теорија го натера тимот да ги преиспита примероците од фосилниот полен од камено доба од повеќе од 470 локации низ Европа, заклучувајќи дека канабисот бил присутен на сувите предели во текот на периодот. Меѓутоа, кога првите фармери стапнале на континентот од Блискиот Исток пред околу 9.000 години, билката веќе почнала да исчезнува со затоплувањето на континентот. Г-дин Мек Партленд (McPartland) рече дека има малку докази дека овие нови фармери ја култивирале билката канабис. „Ако не била таму тие не можеа да ја култивираат“ - изјави тој за порталот New Scientist.


Сепак, канабисот се врати во Европа пред околу 4.500 години за време на бронзеното доба, кога пастуралистите од евроазиската степа се преселија во континентот, со што дивиот коноп бил донесен со нив. Најдобро познат во денешно време поради медицинските и психоактивни својства, најверојатно повторно се вратил на континентот поради индустриските особини, особено бидејќи од него се правеле ткаенини. Сепак, г-дин McPartland рече дека верува дека е можно конопот да е употребуван како дрога од раните европски фармери, во општества кадешто алкохолот сè уште не бил вообичаен. „Дури и пригушената психоактивност би била ценета од луѓето кои сè уште немале алкохол“ - заклучи тој.



Автор и главен и одговорен уредник: MoniQue Konopova
Извор: Independent

Friday, May 18, 2018

Сè што треба да знаете за употребата на канабисот по напорниот тренинг

Дали CBD е клучна состојка за брзото враќање во форма? Кога ќе помислите на марихуаната, каква слика ви доаѓа на ум? Насмеан хипик што слуша реге или пак силен, здрав атлетичар? Најверојатно првото. Канабисот долго време бил поврзуван со „стонери“ и чипс, но оваа лажна перцепција ја заменуваме со факти. Канабисот може наскоро да се користи како витамините и додатоците во исхрана, за да ве одржи среќни и здрави и поиздржливи кога вежбате. Можеби веќе сте забележале некаков производ со канабис во теретана, особено доколку живеете во држава каде канабисот е легализиран


Дали ќе се „напушам“?

Искуството што ќе го доживеете со ваквите производи зависи од канабиноидите. Тоа е хемискиот состав пронајден во различните видови на канабис-растенијата. Се верува дека постојат повеќе од 100 различни видови на канабиноиди, но најмногу внимание привлекуваат двете најважни – тетрахидроканабинол (THC) и канабидиол (CBD). Најчесто марихуаната е одгледувана поради THC, што е психоактивна состојка, додека CBD не е психоактивна. Истражувачите дознале дека и двете состојки имаат терапевтско влијание и се добри за човеково конзумирање за најоптимално здравје. И покрај тоа што одредени луѓе преферираат да пушат џоинт кој содржи повеќе THC, има и такви што одбираат да користат CBD за спречување на болката и олабавување на мускулатурата.



Доктор Канабис

Го прашавме д-р Stuart Titus извршен директор на Medical Marijuana, Inc. за бизнисот со канабисот како лек за „опоравување“. Тој вели дека неговото искуство како терапевт го довело до медицинската марихуана. Многу атлетичари го користеле канабисот за болки, воспаленија и несоница. „Мислам дека една од најдобрите информации доаѓа од патентот на американската Влада. Всушност, тој кажува дека CBD е подобро за употреба, бидејќи можеш да го употребиш во големи дози без никакви несакани ефекти“ - вели тој. Официјалниот став  на Владата потврдува дека канабиноидите може да се користат за сè: од болно колено, до Алцхајмерова болест. Тоа значи дека состојките се добри за телото и мозокот. Доктор Титус смета дека CBD им помага на многу луѓе да ги наострат своите ментални способности. Со тоа сака да наведе и дека CBD може да се користи за третирање на болести на мозокот.



Со CBD до подобро здравје 

CBD може да биде клучна состојка во „опоравувањето“ по напорниот тренинг. Д-р Титус смета дека оваа состојка може да е дури и подобра за телото од синтетичките витамини и суплементи кои се внесуваат како „здрави“ додатоци во исхраната. „CBD се чини дека има поголем антиоксидативен ефект од витаминот Ц или Д, па затоа многу атлетичари го користат за да се справат со воспаленијата. Поради тоа е зголемена побарувачката на ваквите производи од страна на спортистите“ - додава тој. Титус вели дека CBD може да се користи за рехабилитација, но исто така и верува дека таа може да стане значајна и суштинска состојка за здрав живот. Тој верува дека во одреден момент ќе постои фиксна утврдена препорачана доза од СЗО за секојдневна употреба на CBD, исто како што луѓето секојдневно внесуваат витамин Ц.


Поврзано: 





Автор: Ангела Т.
Главен и одговорен уредник: MoniQue Konopova
Извор: Menshealth

Thursday, May 17, 2018

Како да инвестирате во канабисот – во било која негова форма?

Oткако се легализира канабисот во многу држави, започнаа да се појавуваат и нови работни места. Калифорнија ја легализираше рекреативната марихуана на самиот почеток од 2018 година. По две недели, околу дваесетина бизниси во Лос Анџелес добиле дозвола да ги продаваат производите за рекреативна употреба. Одеднаш, канабис-индустријата започнува да се развива со брзина на светлината!!!


Локалите за продажба добиваат дозвола да ги продаваат производите за рекреативна употреба.  Индустријата се развива, а со тоа и луѓето воочуваат дека тоа е нов начин за легално правење пари. Постојат повеќе начини на кои можете да инвестирате во овој бизнис. Во секој случај, секој што бара брза заработка нема да ја пронајде во тој бизнис. Но, доколку верувате во потенцијалот за вложување во канабисот и се стремите кон долгорочно вложување, ова се најдобрите опции што можете да ги разгледате и примените.



Медицински производи со канабис и компании

Акциите за канабисот се нов и невообичаен начин на вложување, во споредба со вообичаените вложувања, во овој случај нема никаква сигурност. Медицинската марихуана нуди повеќе опции отколку рекреативната, со оглед на тоа што во многу повеќе држави е легализирана медицинската употреба на канабисот отколку рекреативната. Во Канада, медицинската марихуана се користи речиси две декади.


Канадски компании за канабис

Некои од овие канадски компании успешно се докажале во оваа индустрија. Organi Gram (OGRMF), лиценциран производител и одгледувач на медицинска марихуана, е една од нив. Со растењето на бројката на пациенти кои користат медицинска марихуана, се зголемува и нивната продажба. Canopy Growth Corporation (TWMJF) е исто така популарна канадска компанија, која освен тоа што го произведува канабисот, воедно и го проучува. Неодамна компанијата беше вредна 4.35 милијарди долари. Голема конкуренција на оваа компанија е Aurora Cannabis (ACBFF), компанија која брзо се проширува. За жал, медицинскиот канабис не е насекаде проширен како што е во Канада. Поради тоа, луѓето покажуваат повеќе интерес за канадските компании, кои се многубројни.


Трговци на мало со канабис и CBD

Иако е помалку застапена од медицинската, рекреативната марихуана во моментов е одобрувана повеќе од било кога. Канабисот е 100% легализиран, вклучувајќи го и рекреативниот канабис, во девет земји во САД.  Канада цели кон тоа да се легализира и рекреативната употреба, додека министерот Justin Trudeau продолжува да изјавува дека планира тоа да се случи ова лето 2018. Компаниите за медицинската марихуана ќе имаат придобивка од новите муштерии, но тие исто така ќе имаат и поголеми трошоци. Тоа е важно – од канабисот може да се направат пари, но исто така прво треба и да се потрошат пари, добро да се инвестира. Не секој локал за канабис ќе има ист профит само поради тоа што ќе се легализира.


Фондови за тргување со марихуана

Како што акциите на марихуаната стануваат се почеста појава, така и фондовите со кои се тргува со марихуана. Тие дозволуваат тргување со голем број различни хартии од вредност во еден фонд, со што се добива разновидно портфолио. Тие се примамливи и се дури понови и од акциите на канабис. Ако банките сè уште се претпазливи на одредени акции на канабисот, дефинитивно ќе бидат уште попретпазливи со повеќе од нив.


Тргување со масло

Hemp Inc. (HEMP) постои од 2008 година и учествува во производството на масло (екстракт) од канабис. Тие го одгледуваат, обработуваат, го вадат екстрактот, па дури и продаваат производи со масло. Како што неодамна најавил сенаторот Mitch McConnell, маслото наскоро ќе се легалицира на ниво на целата федерација. Ако тоа се случи, компании како Hemp Inc. кои и досега го работеле тоа, најверојатно ќе достигнат поголем успех отколку новите компании.


Акции индиректно поврзани со канабисот

Уште еден паметен начин да се инвестира во бизнисот поврзан со марихуаната е да се пронајде компанија која делумно се занимава со канабисот или пак, е индиректно поврзана со него. Abbie Inc. (ABBV) е генерално фармацевтска продавница. Компанијата го има во продажба Мarinol, синтетички канабиноид, кој служи за олеснување на гадењето кај пациентите кои страдаат од рак или пак, СИДА. INSYS Therapeutics, Inc. (INSY) e фармацевтска компанија која доби одобрение за синтетичкиот канабис -  и покрај тоа што во минатото компанијата донирала за друштвата кои биле против марихуаната. Constellation Brands Inc. (STZ) пак, е компанија која произведува пива и ликери, а неодамна купи мал удел од 9.9% од компанијата Canopy Growth. Тоа е привлечна опција за оние кои се заинтересирани во бизнисот со канабис, а сепак сакаат сигурни вложувања. 


Избор на уредникот:




Автор: Ангела Т.
Главен и одговорен уредник: MoniQue Konopova
Извор: Thestreet

Wednesday, May 16, 2018

Мајките и марихуаната: 7 познати личности отворено зборуваат за пушењето марихуана како родител

Мајките сè повеќе и повеќе ги поттикнуваат реформите поврзани со канабисот во САД. Насекаде низ земјата, па дури и во поконзервативните држави, мајките ги поддржуваат и охрабруваат законите за употреба на THC и CBD за децата со епилепција и други болести


Еден таков „херој“ е Heather Shuker од друштвото за медицински канабис во Пенсилванија, која сето тоа го започна поради својата ќерка Хана, откако употребата на канабисот драстично ги намалила нејзините напади.  Калифорнискиот сенатор Dianne Feinstein, која се противела на реформите за канабисот, изјави дека нејзиното гледиште се променило откако се запознала со гласачите, особено оние со мали деца кои имаат здравствени придобивки од канабисот. Но, ова „движење на мајките“ не е само неодамнешен феномен за децата да имаат слободен пристап до медицинскиот канабис. Ова се 7 мајки, кои се познати личности: пејачки, актерки, водителки и писателки, кои јавно говореле за нивното конзумирање на канабисот и позитивните ефекти кои тие ги забележале од ова растение.



Maya Angelou

Писателката Maya Angelou пишувала за своето искуство со марихуаната во „Gather Together in My Name“,  вториот дел од нејзината автобиографија. Angelou, која што имала особено тешко детство и станала мајка во тинејџерските денови, напишала: „Пушењето марихуана го ослободува стресот... Тоа ме прави толерантна, пешачењето по улиците го прави авантура, јадењето на ручекот на мојата мајка го прави забава, а играњето со мојот син го претвора во смеа. За прв пат, животот ме воодушевува“.


Melissa Etheridge

Melissa Etherighe, музичар, изјави дека пушела марихуана во 2005 година, за да се справи со несаканите ефекти од хемотерапијата за време на нејзиното лечење од рак на дојката. Таа исто така се појавила на прес-конференцијата за користење на рекреативната марихуана во 2010 година, во Лос Анџелес. „Не сакам повеќе да изгледам како криминалец пред своите деца. Сакам тие да знаат дека тоа е одлука која ја носиш како одговорен и возрасен човек“ -  изјави таа. Во 2015 година на концертот за социјална правда, таа само потврди дека канабис-револуцијата е предводена од средовечните жени.


Ruth Bergner

Долгогодишниот корисник на канабисот, а воедно и баба, Ruth Bergner, јавно проговори во својата автобиографија: „I smoke pot with my family: Speaking up at 85“ (Пушам трева со моето семејство. Јавно говорам за ова на 85). „Со само едно пафкање, одеднаш сум поотворена, комуникативна, полна со љубов и полесно простувам. Верувам дека кога се користи паметно, ова растение ни помага да научиме повеќе да сакаме и да бидеме подобри луѓе“ - напишала таа. 


Lea Grover

Во 2015 година, Lea Grover, мајка на близнаци од 1 година, напиша текст за магазинот Good Housekeeping, која го именуваше, „Марихуаната ме прави подобра мајка“, во кој објаснува како марихуаната ѝ помогнала повеќе да сочувствува со другите, како и да се справи со анксиозноста предизвикана од улогата на родител. Таа забележала огромни придобивки во споредба со дотогашните лекови кои ги пиела. 


Charlize Theron

Charlize Theron, која неодамна му откри на Jimmy Kimmel дека заедно со својата мајка конзумирале канабис за да им помогне да заспијат, моментално се појавува во филмот Gringo, во кој има митско апче со канабис, како и во Tully, каде се соочува со предизвиците на мајчинството. Таа има две деца и ги чува заедно со својата мајка.


Susan Sarandon

Susan Sarandon, која јавно призна дека употребува марихуана уште во 1992 година, сè повеќе се залага за реформите за марихуаната против криминалот. Сарандон, во 2014 година, за магазинот AARP’s изјави: „Многу повеќе би сакала моите деца да пушат марихуана, отколку да пијат, само што тоа е нелегално“.


Whoopi Golderg

Whoopi Golderg, која неодамна навлезе во канабис-индустријата со своја сопствена линија од производи со канабис за жени и мајки, изјави дека нејзината ќерка ѝ предложила да пуши марихуана за да ги третира главоболките кои ја измачувале. „И ќе им зборувам и на моите внуци на 20-годишна возраст, а тие ќе ми кажат дека користат марихуана за ги спречат грчевите“ - изјави таа. Goldberg исто така зборува за потребата од жените и мајките во канабис-индустријата. „Доколку оваа индустрија е предводена од жените, мислам дека ќе има голем број разновидни производи“.



Поврзано: 




Автор: Ангела Т.
Извор: Cannabisnow

Tuesday, May 15, 2018

ТХЦ ги отстранува отровните Алцхајмерови протеини од мозокот

Тетрахидроканабинолот од марихуаната го забрзува отстранувањето на токсичната маса од отровни амилоидни бета протеини од мозокот кои го одпочнуваат развојот на Алцхајмеровата болест. Ова откритие се надоврзува на резултати од претходни истражувања кои го докажале заштитниот ефект на канабиноидите кај пациенти со невродегенеративни болести 


Иако други истражувања го докажале неврозаштитниот ефект на канабиноидите, веруваме дека ова истражување е прво кое открива дека канабиноидите влијаат врз воспалението и насобирањето на амилоидни бета протеини во нервните клетки“ - вели Дејвид Шуберт (David Schubert) од Институтот за Биолошки Студии Салк од Калифорнија (Salk Institute for Biological Studies in California). Шуберт и неговите колеги ги тестирале ефектите од ТХЦ на човечки неврони кои ги имитираат ефектите на Алцхајмер во лабораторија.


Ајде да се навратиме на „Основите по канабисологија“ за да ги повториме чудесните карактеристики на нашиот Добар Самаританец - ТХЦ: одговорен е за психолошките ефекти на марихуаната благодарение на неговите болкоублажувачки својства, ефективно третира симптоми на сè од ХИВ, канцери и хемотерапија, до хронична болка, посттрауматично нарушување и мозочен удар, а делува во содејство со другите канабиноиди. Судејќи по сè, ТХЦ е восхитувачки медицински биомолекул; истражувачите работат на добивање на генетички модифициран квасец кој може да го произведе многу поефикасно отколку кога би се произведувал синтетички. Патот на ТХЦ е најчесто преку пушење или вапоризација од белите дробови во крвотокот каде се поврзува со два типа на рецептори, канабиноиден рецептор ЦБ 1 и 2 кои се наоѓаат на клеточните мембрани низ целото тело.


Во мозокот, овие рецептори се најконцентрирани во невроните поврзани со: задоволство, сеќавање, размислување, координација и осет за време и се врзуваат со класа на липидни (масни) молекули наречени ендоканабиноиди кои се произведуваат во телото за време на физичка активност и го поддржуваат клеточното сигналирање во мозокот. ТХЦ исто така може да се врзе со нив на истиот начин и тогаш настанува олабавување во способноста на мозокот да комуницира со себеси. Тоа може да биде и добро и лошо бидејќи иако заборавиш нешто важно, ќе се чувствуваш супер и ќе сакаш да ги изедеш сите грицки поради тоа што се активира чувството за глад и благосостојба. 

Во текот на годините истражувањата потврдиле дека врзувајќи се со овие рецептори, ТХЦ може да има друг  ефект на мозок кој старее бидејќи му помага да ги исчисти токсичните насобирања - плаки на амилоидни бета протеини.  Никој не е целосно сигурен што го предизвикува Алцајмерот, но се мисли дека е резултат на акумулирањето на два типа на оштетувања: амилоидни плаки и неврофибриларен заплет, а исто така се смета дека оваа болест се јавува токму поради ендоканабиноиден дефицит во мозокот. 

Амилоидните плаки се наоѓаат помеѓу невроните како густи групи од бета амилоидни молекули - леплив тип на протеин кои лесно се поврзуваат и неврофибриларни заплети предизвикани од дефектни протеини кои се поврзуваат во густа, нерастворлива маса во невроните. Не е јасно зошто овие оштетувања се појавуаат во мозкот, но студиите го поврзале воспалувањето во мозочното ткиво со истовремено намножувањето на плаките и неврофибриларните заплети. Па, ако можеме да најдеме нешто што го намалува воспалувањето во мозокот и истовремено му помага на телото да се исчисти од овие оштетувања, би биле на добар пат да го пронајдеме првиот ефективен третман за Алцајмер, а тој третман всушност е веќе познат, само треба да го легализираме – тоа е канабисот!

Уште во 2006 година, истражувачи од Истражувачкиот Институт Scripps Research Institute откриле дека ТХЦ го инхибира создавањето на амилоидни плаки блокирајќи ги ензимите во мозокот кои ги произведуваат и сега Шуберт и неговиот тим покажаа дека ТХЦ може да го спречи воспалувањето на нервните кетки што значи го обезбедува нивниот опстанок. „Воспалувањето на мозокот е главна последица од Алцхајмерова боелст, но секогаш се претпоставуало дека овој одговор доаѓа од клетки во мозокот слични на имуните, не од самите нервни келтки“ - вели еден од тимот, Антонио Курес (Antonio Currais). „Кога не можевме да ја идентификуваме молекуларната основа на воспалителниот одговор како бета амилоиди, стана јасно дека компонентите слични на ТХЦ кои ги создаваат нервните клетки се вклучени во  заштитување од нивно изумирање“ – додаваат истражувачите.

Кратка канабис видео лекција за љубопитните!

Ова е многу интересно проучување, но засега е демонстрирано само со неврони во лабораторија, така што наредниот чекор би бил Шуберт и неговиот тим да ја набљудуваат врската меѓу ТХЦ и намалувањето на воспалението и насобирањето на плаки, но во клинички случај на луѓе. А тие веќе имаат најдено кандидат именуван како „Ј147“ кој ги има истите ефекти како ТХЦ, а ова може да биде начинот на кој тие можат да ги тестираат ефектите на ТХЦ без Владата да им го попречи патот во докажувањето.  


* * *

„Како што со радозналост и радост ги откривам благодетите на ова свето растение со секој нов ден, мојата восхит и понизност пред ова растение растат со секое ново изгрејсонце“ - 

Извор: Futurism
Главен и одговорен уредник: MoniQue Konopova

Monday, May 14, 2018

Употребата на медицинска марихуана треба да биде дозволена во училиштата

Пациентите кои имаат најголема корист од лекувањето со канабис, сепак треба да ги надминат политичките, социјалните и правните бариери со активистичко залагање преку креирање на политики кои го подобруваат безбедниот пристап до медицински канабис за пациентите - а тоа значи и во училиштата!


Канабисот им е неопходен на некои деца за да посетуваат настава!
Изминат е многу долг пат, бидејќи канабисот првпат беше декриминализиран во Орегон во 1973 година, а потоа во Ново Мексико; историјата на медицинската марихуана започна во 1978 година, по првите јавни расправи на законодавниот дом. Во Ново Мексико семејствата неправедно се спречувани да им дозволат на децата да користат медицински канабис додека се на училиште. Сега имаме двајца родители кои се борат да го променат ова. Овие две храбри мајки бестрашно се залагаат за правата на пациентите за медицински канабис и сигурен пристап за користење на медицински канабис во училиштата, што е исто така многу фундаментална основа за законот за медицински канабис во Ново Мексико.


Целта на Законот за внимателна употреба на Лин и Ерин е да се овозможи полесна употреба на медицински канабис во регулиран систем за ублажување на симптомите предизвикани од изнемоштени медицински состојби и нивните медицински третмани“. Овие две деца и секој ученик во тој поглед во нашата државна програма за канабис, треба да се третира исто како и секое друго дете кое посетува државни училишта во нашата држава и користи лек во училиште. Употребата на медицински канабис и сигурен пристап до него во училиште за овие два ученика е медицинска неопходност. „Медицински неопходни“ се дефинираат како „здравствени услуги или материјали потребни за спречување, дијагностицирање или лекување на болест, повреда, состојба, нарушување или симптоми и кои ги исполнуваат прифатените стандарди на медицината“. Медицинска неопходност е законска доктрина во САД, поврзана со активности кои можат да бидат оправдани како разумни, неопходни и / или соодветни, врз основа на клиничките стандарди за грижа базирани на докази.


Училиштата веќе им дозволуваат на децата да ги користат сите видови психотропни лекови - од Риталин до опиоидни лекови против болки - кога ги пропишува лекар. Но, тие имаат тенденција да заземат многу потежок став во медицинскиот канабис, дури и во случај на не-психоактивни медицински канабис ЦБД масла - и покрај тоа што научно се докажало дека е побезбедно од психотропните фармацевтски лекови и опијати. Денес, програмата за медицинска марихуана во Ново Мексико има над 50.000 регистрирани учесници со 35 лиценцирани (непрофитни) производители кои одгледуваат 14.550 канабис билки, бидејќи програмата се наоѓа на средината на десеттата година. Џејсон Баркер (Jason Barker) е организатор на безбеден пристап во Ново Мексико (Safe Access New Mexico) и пациент кој се лекува со медицински канабис.


Автор: MoniQue Konopova
Извор: Lcsun-news

Sunday, May 13, 2018

Најдобри методи за екстракција на концентрати од канабис

Техниките за екстракција се користат за одделување на активните компоненти на канабисот и нивно отстранување од растителната матрица. Техниките за екстракција се користат и за концентрација на одредени состојки. Разни методи можат да го поделат растителниот материјал од канабис во делови или екстракти, кои содржат различни состојки


Разни техники за екстракција често се користат за изолирање на специфични посакувани соединенија, а канабисот содржи над 113 канабиноиди и секојдневно се откриваат нови. Од друга страна, производителот на екстракт често пати сака да создаде единствен екстракт со многу од посакуваните соединенија од канабисот со широк канабиноиден спектар и овие екстракти понекогаш се нарекуваат целосни растителни екстракти, наспроти изолираните екстракти. Вклучувајќи ги и подобро познатите канабиноиди, научниците идентификувале повеќе од 550 хемиски состојки во канабисот воопшто, вклучувајќи компоненти како терпени. 


Тинктура направена со алкохолна екстракција
Оваа статија стручно ги објаснува најчестите методи за екстракција на канабис, пред сè оние најчесто користени во домовите. Овој вид на „готвење“ не секогаш може да се изведе во домашни услови, со она што ни се наоѓа при рака. Некои од нив бараат вистинска лабораториска опрема неопходна за правилно и безбедно да се изврши екстракцијата. Во многу случаи, реагенсите, растворувачите и начинот на кој тие се користат, плус малку невнимание и непромисленост (на пример искра во просторија во која испарува растворувачот), можат да создадат опасни ситуации! Како резултат на тоа, многу од техниките бараат сигурносна опрема, како аспиратор на пример, боца за гасење пожар и сл. Процесот на екстракција мора да се прави правилно за да се произведе безбеден и потентен производ за хумана употреба, а резултатите треба да се проверат со соодветно аналитичко тестирање.


The Ethos-4 closed-loop ethanol extractor
Алкохолна екстракција на канабис

Неколку вообичаени форми на екстракција на канабис се потпираат на растворувач, како што е алкохолот или медицинскиот бензин. Накратко, канабисот се пере еднаш, два или три пати во алкохолот, обично етанол од 96% па нагоре, потоа растителниот материјал се отстранува, течноста се филтрира и алкохолот се отстранува со некоја форма на испарување, за на крајот да се направи декарбоксилација. Еден од најголемите предизвици е вродениот поларитет на растворувачите како етанол, што значи дека има склоност да се меша со вода и воедно да се раствораат водорастворливите молекули како хлорофилот. Отстранувањето на хлорофилот со помош на замрзнување на материјалот од екстрактот е важно бидејќи ако е оставен, создава непожелен, горчлив вкус и екстрактот добива зелена боја, наместо килибарно-златна. 


Овој метод може да се изведе при атмосферски притисок, но температурата внимателно се контролира, особено за време на испарувањето. Овој процес, исто така, може да потрае неколку часа и мора да се прави внимателно, за да се избегне опасноста од експлозија бидејќи етанолот е многу запалив. Една од најголемите придобивки од оваа форма на екстракција е дека не постои ризик од оставање на токсични остатоци од хемикалии во финалниот екстракт од канабис, благодарение на испарувањето и овозможува ко-екстракција на сите соединенија од интерес, главно канабиноиди и терпеноиди. Овој метод е најчесто употребуван во домашни услови од страна на пациентите и познат е исто и како методот на Рик Симпсон, RSO метод.




Eden Labs LLC - Екстрактот се ослободува од СО2 систем 
Co2 екстракција на канабис

Користењето на реагенс од секаков вид може да додаде трошоци и време за расчистување по завршувањето, па затоа треба да се земат предвид разни техники, а една од почистите е екстракција со CO2. Наместо да користи алкохол, овој метод ги отстранува компонентите од канабисот од растителната матрица со помош на јаглерод диоксид. Високиот притисок и топлината се користат за претворање на СО2, што истовремено е како течност и гас. Трошокот за опремата за овој метод е значително поголем од екстракцијата со алкохол, но произведува повисоки приноси и се губи помалку вреден материјал. Плус, овој метод може да се прилагоди за да се извлечат специфични соединенија со менување на температурата, притисокот или траењето - т.е. некаква комбинација од овие фактори. Покрај тоа, една студија покажа дека различни соединенија се концентрираат на различни стапки во истиот процес. Значи, екстрактот треба да се анализира, особено кога сакате да добиете концентрати од специфични соединенија.


Суперкритична CO2 опрема за екстракција достапна од Eden Labs
Со екстрахираните компоненти од канабисот, суперкритичниот СО2 оди во кондензатор и се претвора во течност која може да се филтрира и повторно да се користи. Како резултат на тоа, се користи многу мал реагенс. Тоа го прави овој метод релативно почист, со што ја намалува потребата за отстранување на отпадот. Дополнително, ако било колку СО2 останува во екстрактот по процесот, тоа само испарува. Ова е особено важно за сите препарати за медицинска употреба, бидејќи производителот кој го користи овој метод може да гарантира дека во финалниот производ нема да има апсолутно никаков преостанат растворувач. И покрај потребата од некои финансиски инвестиции во системот за екстракција со CO2, производителот може да разгледа различни нивоа на опрема. На пример, Apeks Supercritical прави системи за екстракција со висока продуктивност и дури нуди реновирани системи. Ова им дава на пациентите отворено поле за размислување за да донесат соодветна одлука врз основа на нивниот семеен буџет.


Бутански екстракт од Coaster420
Екстракција на канабис со бутан или пропан

Користењето на бутан како растворувач за екстракција го создава она што е познато како butane хаш масло (BHO - Butan Hash Oil) за дебинг. За да го направите ова, процесот започнува со канабис и течен бутан гас во систем под притисок и топлина. Со користење на испарување под вакуум, тогаш е можно да се отстрани бутанскиот растворувач. Вакуумот го претвора бутанот од течност во пареа, што го олеснува отстранувањето. Екстрактот што се добива при овој вид на екстракција е исто така познат како шетер (shatter), што е стаклест цврст концентрат кој обично вклучува THC, CBD и други хемиски компоненти, а исто така и терпени. За да направите шетер, што е цврста верзија на бутан хаш масло, содржината на терпените мора да се чува на ниско ниво, кои спротивно функционираат како растворувач што го прави екстрактот мек. Вистинската почетна мостра може да помогне да се намалат терпените присутни во финалниот производ, како на пример работење со цветови кои поминале кјуринг. Од друга страна, бутан хаш маслото може да се загрее за да се отстранат терпените по екстракцијата, бидејќи се многу понестабилни од канабиноидите како ТХЦ и ЦБД.



The Summit T1 Extraction System од Summit Extraction Systems
Овој метод вклучува некои потенцијални опасности. Една работа, бутанот лесно гори во својата гасна фаза. Значи, користената температура мора внимателно да се управува, во спротивно постои сериозен ризик од експлозија на гас. Покрај тоа, системот треба да вклучува циркулатори кои го отстрануваат и рециклираат бутанот. Процесот на отстранување треба да го намали секој остаток од бутан во екстракт. Во сите случаи, сепак, треба да се направи аналитичко тестирање за да се осигура отстранувањето на бутанот, бидејќи е многу токсичен за луѓето. Оваа опасност може да го направи овој метод помалку посакуван избор од страна на пациентите, но е често користен од страна на рекреативните корисници. Овие методи не се за почетници! Сепак, екстракцијата со бутан е популарен метод за производителите на екстракти од канабис и ентузијасти со години, главно поради релативно малата опрема и трошоците за работа. 


Фактот дека овој метод произведува вкусни екстракти со повисока содржина на терпени, отколку што може да се постигне со екстракција со CO2, на пример. Наместо бутан хаш маслото, некои производители избираат да произведуваат пропан хаш масло. Во овој метод се користи течен пропан наместо бутан. Овде, високиот притисок го задржува пропанот да тече и екстракцијата се јавува на пониска температура, бидејќи точката на вриење на пропанот е помала од бутанот. Температурата на екстракција влијае на компонентите отстранети од канабисот. Значи, овие два слични начини - екстракција со бутан и пропан - произведуваат различни екстракти. Во некои случаи, екстракцијата со бутан и пропан може да се користи во комбинација за да се создаде производ со поширок хемиски профил. Сепак, како и процесот со бутан, посебно внимание треба да се преземе при екстракција со пропан за да се отстрани колку што е можно повеќе од хемикалијата и да се докаже истото со хемиска анализа.




Дното од грендер преполно со киф
Екстракции без растворувачи

Вреди да се спомне дека постојат повеќе примитивни техники за екстракција на посакуваните компоненти од растителната матрица на канабисот. Кифот, на пример, може да се одвои од туфките на канабисот, едноставно со мелење и просејување. Постојат неколку спратни грендери со сито специјализирани за таа намена, за собирање на кифот во домашни услови. Овие кристални формации сочинуваат дел од структурите познати како трихоми кои се наоѓаат на многу растенија, вклучувајќи го и канабисот. Трихомите од канабисот се првенствено заштитни структури произведени од женските билки кога цветаат. Нивниот интензивен горчлив вкус и силните ароми го прават растението неприфатливо за тревопасните животни и исто така, се верува дека го инхибираат растот на некои габи. Кога се одделува од канабисот, кифот изгледа исто како прав или полен. Бидејќи канабиноидите и производството на терпеноиди се особено концентрирани во трихомите, овој прав може да се додаде во производите од канабис за да се зголеми потентноста или може да се консумира како самостоен производ, активиран или суров.




Блокчиња пресуван хашиш
Традиционалниот хаш или хашиш, е уште еден пример за екстракт од канабис кој не содржи растворувачи. Повторно, идејата е да се одвојат трихомите од растителниот материјал, бидејќи тие содржат највисока концентрација на пожелни соединенија. Постојат два главни методи за создавање хаш: еден вклучува преземање на замрзнати туфки од канабис и нивно кршење на помали и помали делови над платното. Во процесот, трихромите се одделени од растението и паѓаат низ ситото, а потоа се притискаат во блокови; Друг примарен метод на екстракција без растворувачи вклучува употреба на замрзната вода, за да се одделат трихомите од туфките. По сушењето, потоа добиената екстрахирана смеса може да се оформи во хаш-блок. Чарасот е друга форма на екстракт без употреба на растворувач, со собирање на смолата од цветовите и листовите со помош на дланки.


Пневматска топлотна преса за екстракција од Rosin Industries
Розинот (rosin), исто така, стана многу популарен во текот на последните неколку години. Произведен од цвеќиња, хаш или киф, станува збор за проѕирна супстанца цврста по конзистенција, обично направена со примена на топлина и притисок на материјалот од кој сакате да се извлече и резултира со производ кој е многу сличен со финалниот продукт од бутанска екстракција. Аналитичкото тестирање покажа дека овој едноставен пристап ефикасно ги екстрахира канабиноидите и терпените со апсолутно никаков ризик да остави зад себе токсични резидуални растворувачи како бутан. Ентузијастите се во можност да произведат многу потентен розин екстракт со пегла за коса, пергамент хартија за печење и алатка за собирање. Комерцијалните розински преси се исто така достапни за обработка на материјалот во многу поголем обем, но концептот е во суштина ист. Рамен топлински механизам за притисок се користи за да се притисне материјалот и при одредена топлина и притисок, екстрактот е изваден. Погледнете го видеото подолу. Секој екстракт од канабис е лек!





Автор и главен и одговорен уредник: MoniQue Konopova
Извор: Analyticalcannabis